قطــف الزيتون ..

من أغاني التراث الفلسطيني ..

على دلعونة وعلى دلعونة

بارك يا ربي شجر الزيتونا
زيتون بلادي ما أزكى حباتة
ما أحلى شكلة وما أغلى زيتاتة
والعالم كلة يرغب أكلاته
الحبة منة أحسن ما يكونا

على دلعونة وعلى دلعونة

بارك يا ربي شجر الزيتونا
في منة الأخضر فية منة الأسمر
من غيرة السفرة ولا مرة بتعمر
القلب بيفرح ساعة ما بيكبر
من منتوجاتة بنعمل صابونا

على دلعونة وعلى دلعونة

بارك يا ربي شجر الزيتونا

على دلعونا

على دلعونة وعلى دلعونة

زيتون بلادي أجمل ما يكونا
زيتون بلادي واللوز الأخضر
والميراميا ولا تنسى الزعتر

على دلعونة وعلى دلعونة

زيتون بلادي أجمل ما يكونا
وأقراص العجة لما تتحمر
ما أطيب طعمتها بزيت أل زيتونا

على دلعونة وعلى دلعونة

زيتون بلادي أجمل ما يكونا


الزيتون

يلا يلا يا عفيف
أحنا في فصل الخريف
بدنا نكت الزيتونة
بالعصاي يا عيوني
أما أنت يا تغريد
ناد يلي ع أم السعيد
تقعد تحت الزيتونة
ونكت الحبة بالأيد
والحبات عالفلات
بركة من أحلى البركات
زدنا يا ربي خيرات
وبارك في شجر الزيتون

الله يعين المزارعين ... والله يبارك الهم في شجرهم وثمرهم ... بدكم الصراحه شغلت الزيتون متعبه ... بس ممتعه ..